ரொரென்ரோவின் விமான நிலையத்தில் வந்திறங்கிய ஆதி பகவன் கூட்டம் - கனடாவில் கோலாகலம்:

ரொரென்ரோவின் விமான நிலையத்தில் வந்திறங்கிய ஆதி பகவன் கூட்டம் - கனடாவில் கோலாகலம்:

அமீரின் இயக்கத்தில் ஜெயம் ரவி நடிக்கும் ஆதி பகவன் திரைப்படத்தின் இசை வெளியீட்டு விழா எதிர்வரும் ஆறாம் திகதி மாலை 6 மணியளவில் POWERADE சென்ரரில் நடைபெற உள்ளது. பருத்திவீரன் திரைப்படத்தை தொடர்ந்து அமீர் அடுத்ததாக இயக்கி வரும் படம் ஆதிபகவன். ஜெயம் ரவி, நீது சந்திரா நடிக்கும் இந்தப் படத்துக்கு யுவன் சங்கர் ராஜா இசையமைக்கிறார்.

திமுக அரசியல் பிரமுகர் ஜெ. அன்பழகன் தயாரிக்கிறார். 2010-ல் தொடங்கப்பட்ட ஆதிபகவன் படப்பிடிப்பு அண்மையில் முடிவடைந்தது. தற்போது தயாரிப்பிற்கு பின்னதாக நடத்தப்படும் பணிகள் விறுவிறுப்புடன் நடந்து வருகின்றன. தமிழ் திரைப்படங்களுக்கு பிரமாண்டமாக இசை வெளியீடு நடத்தப்படுவது வழமையே என்ற போதிலும் கூட, இது வரையிலும் கனடாவில் எந்த திரைப்படத்திற்கும் இசை வெளியீட்டு விழா நடத்தப்படவில்லை. திரைப்படத்தின் இயக்குனர் அமீர் ஈழத் தமிழர்களுக்கான உரிமைகளைப் பெற்றுத் தருவதற்காக பலமுறை போராட்டங்களில் கலந்து கொண்டுள்ளதுடன் , இயக்குனர் சீமானுடன் இணைந்து இதற்காக சிறை சென்றவர் என்பது குறிப்பிடத்தக்கது. முதன் முறையாக ஜெயம் ரவி இந்தப் படத்தில் இரட்டை வேடம் ஏற்று நடித்துள்ளார். திரு நங்கை வேடத்தில் ஜெயம் ரவி நடித்துள்ள இப்படத்தில் பாடல்களுக்கு யுவன் ஷங்கர் ராஜா இசை அமைந்துள்ளது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. அமீரின் படங்கள் அனைத்திற்கும் யுவன் ஷங்கர் ராஜாவே இசை அமைத்துக் கொடுத்து வருவதும் , இது வரையிலும் இருவரின் கூட்டணியிலும் உருவான அனைத்து பாடல்களுமே தமிழ் மக்களிடம் பெரும் வரவேற்பைப் பெற்றுள்ளதும் முக்கியமான ஒன்றாகும்.