யாழில் ஒன்பது வயது சிறுமி வெள்ளை வானில் கடத்தல்!- அச்சத்தில் பொது மக்கள்

யாழ். கந்தரோடைப் பகுதியில் ஒன்பது வயது மாணவியொருவர் இனந்தெரியாதவர்களால் வெள்ளை வானில் கடத்திச் செல்லப்பட்டதாக சுன்னாகம் பொலிஸில் முறையிடப்பட்டுள்ளது.

நேற்று மாலை 7 மணியளவில் இச்சம்பவம் இடம்பெற்றுள்ளதாக பொலிஸில் முறைப்பாடு செய்யப்பட்டுள்ளது.

குறித்த மாணவியை கடத்திச் சென்ற நபர்கள் அவரை வீடென்றில் அடைத்து வைத்துள்ளனர். அத்தோடு அவரது காதில் இருந்த தோடுகளையும் கழற்றி எடுத்துள்ளனர்.

இந்நிலையில் குறித்த மாணவி அங்கிருந்து தப்பி தனது வீட்டிற்கு வந்துள்ளார். இச்சம்பவம் தொடர்பான விசாரணைகளை சுன்னாகம் பொலிஸார் மேற்கொண்டு வருகின்றனர்.