மன்மோகன் சிங் - ராஜபக்சே சந்திப்பு

ரியோ உச்சி மாநாட்டில் கலந்து கொண்ட பிரதமர் மன்மோகன் சிங்கும், இலங்கை அதிபர் ராஜபக்சேயும் 22.06.2012 அன்று சந்தித்து பேசினர். 

மன்மோகன்சிங் ராஜபக்சே நடத்திய பேச்சு வார்த்தை குறித்து, வெளியுறவு துறை செயலாளர் ரஞ்சன் மத்தாய் நிருபர்களிடம் கூறியதாவது: 

யாழ்ப்பாணத்தில் மின்வசதி அளிக்கும் பணிகள் 95 சதவீதம் முடிந்து விட்டது. தமிழர்கள் வாழுகிற இதர இடங்களிலும் இந்த பணி நடந்து வருகின்றன என ராஜபக்சே தெரிவித்தார்.

தமிழர்கள் 3 லட்சம் பேர் முகாம்களில் வசித்து வந்த நிலையில், தற்போது 3 ஆயிரம் பேர்தான் முகாம்களில் உள்ளதாகவும் பிரதமரிடம் ராஜபக்சே கூறினார். இரு நாட்டு உறவுகள் முன்னேற்றம் அடையவும் இரு தலைவர்களும் ஒப்புக்கொண்டனர். இலங்கைக்கு தேசிய பாதுகாப்பு ஆலோசகர் சிவசங்கர் மேனன் 29 ந் தேதி பேச்சு வார்த்தை நடத்த செல்வார் என்று தெரிவித்தார்.